Skapandi sumarstörf ungmenna fædd 1999 – 2001

Hafnarfjarðarbær leitar að einstaklingum og hópum á aldrinum 18-20 ára að koma með hugmyndir að skapandi verkefnum í Hafnarfirði. Valdir hópar fá tækifæri til að starfa í sumar við að sinna verkefnum og lífga upp á mannlífið í miðbænum og gleðja ferðamenn og íbúa með alls kyns uppátækjum.

 

Umsækjendur þurfa að vera fæddir árið 1999-2001 og hafa lögheimili í Hafnarfirði.

 

Umsóknarfrestur hefur verið framlengdur til og með 28. mars næstkomandi.

 

Helstu verkefni og ábyrgð

Starfsfólki skapandi sumarstarfa sem rekið er sem hluti af Vinnuskóla Hafnarfjarðar er ætlað að glæða bæinn lífi, gera hann skemmtilegri, fallegri og fjölbreyttari með listrænum og skapandi uppákomum. Verkefnin þurfa að vera fjölbreytt og höfða til mismunandi aldurshópa og áhugasviða.

 

Auk rafrænnar umsóknar um skapandi sumarstarf þarf að skila með greinagerð þar sem fram koma eftirfarandi upplýsingar:

  • Greinargóð lýsing á verkefninu, umfangi þess og markmiðum
  • Tíma- og verkáætlun
  • Fjárhagsáætlun
  • Upplýsingar um alla aðstandendur verkefnisins og tilgreindur einn tengiliður verkefnisins

 

Hæfniskröfur
Við val á verkefnum verður meðal annars tekið tillit til raunhæfni og frumleika verkefnisins, fjárhagsáætlunar, fjölbreytni verkefna, kynjahlutfalli umsækjenda og gæði umsókna. Gerður verður samningur um fyrirkomulag verkefnisins við viðkomandi umsækjendur sem valdir verða. Áætlað er að um 1-2 hópar eða allt að 10 einstaklingar fái tækifæri til að taka þátt í verkefninu í ár.

 

Val umsækjenda

Formaður íþrótta- og tómstundanefndar og forstöðumenn Vinnuskóla sitja í valnefnd. Valnefnd skal endanlegum niðurstöðum sínum fyrir 1. júní.

 

Deila starfi
 
  • Hafnarfjarðarbær
  • Ráðhús Hafnarfjarðar
  • Strandgötu 6
  • 220 Hafnarfjörður
  • Sími Þjónustuvers Hafnarfjarðar 585 5500
  • Fax 585 5509
  • hafnarfjordur@hafnarfjordur.is
  • Kennitala 590169-7579