Persónulegur ráðgjafi í tímavinnu

Fjölskyldu- og barnamálasvið Hafnarfjarðar óskar eftir að ráða persónulega ráðgjafa til starfa. Starfið er unnið í tímavinnu. Um er að ræða sveigjanlegan vinnutíma eftir að hefðbundnum vinnutíma lýkur.

Meginmarkmið með persónulegri ráðgjöf er að veita börnum og unglingum stuðning til að takast á við persónuleg og félagsleg vandamál og efla viðkomandi til sjálfsbjargar og sjálfræðis.

Helstu verkefni og ábyrgð:

  • Veita félagslegan stuðning
  • Virkja notanda til þátttöku í samfélaginu
  • Fylgja og hvetja notanda í tómstundastarf
  • Veita leiðsögn og ráðgjöf og taka þátt í félagsmótun
  • Að veita einstaklingsmiðaða þjónustu
  • Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

  • Menntun sem nýtist í starfi
  • Reynsla af sambærilegri vinnu æskileg
  • Þátttaka í íþróttastarfi eða öðrum tómstundum æskileg
  • Samskiptafærni, frumkvæði og sjálfstæði
  • Tölvufærni
  • Góð íslenskukunnátta
  • Umsækjandi þarf að vera 18 ára eða eldri

Hreint sakavottorð er skilyrði fyrir ráðningu.

Upplýsingar um starfið veitir Erna Aradóttir ernaar@hafnarfjordur.is eða í síma 585-5500.

Umsóknarfrestur hefur verið framlengdur til og með 1. febrúar 2022.

Greinargóð ferilsskrá fylgi umsókn.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar (STH).

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.

Deila starfi
 
  • Ráðhús Hafnarfjarðar, Strandgötu 6
  • 220 Hafnarfjörður
  • Þjónustuver 585 5500
  • Hafðu samband
  • Kennitala 590169-7579