Námsráðgjafi í tímabundið starf til 1. árs - Lækjarskóli

Lækjarskóli óskar eftir að ráða námsráðgjafa í tímabundið starf til 1 árs, frá og með 1. janúar 2022.

Lækjarskóli á sér sögu allt aftur til ársins 1877 og er staðsettur í fallegu og grónu umhverfi við Lækinn í Hafnarfirði. Reist var ný skólabygging, björt og rúmgóð, og tekin í notkun árið 2002. Hér er meðal annars að finna bæði sundlaug og íþróttahús. Nemendur eru tæplega 500 talsins, þar af tæplega 140 á unglingastigi. Allir nemendur frá 5. -10. bekk hafa eigin spjaldtölvu til afnota.

Undanfarið skólaár höfum við unnið með fjögur meginmarkmið: Starfsánægju, samstarf heimilis og skóla, læsi og upplýsingatækni með áherslu á G-suite og Mentor.

 

Einkunnarorð Lækjarskóla eru ábyrgð, virðing og öryggi, og endurspeglast allt skólastarfið í þessum orðum. Unnið er samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum og skapa jákvæðan skólabrag.

Á þessu skólaári hófst innleiðing á Universal Design for Learning (UDL). UDL er aðferðafræði sem er byggð á rannsóknum David Rose (Boston Harvard,1984). UDL veitir nemendum möguleika á að læra á ólíka vegu og að sýna kunnáttu sína á ólíka hátt. Nemendur eru virkir og hafa áhrif á eigið nám og er tilgangurinn að útrýma hindrunum sem standa í vegi fyrir árangri nemenda.

Helstu verkefni og ábyrgð:

  • Veitir nemendum skólans persónulega ráðgjöf og stuðning
  • Veitir nemendur leiðsögn og fræðslu um vinnubrögð í námi
  • Sinnir skipulagningu og leiðsögn í náms- og starfsfræðslu fyrir nemendur
  • Eflir samstarf heimila og skóla um nám og líðan einstakra nemenda
  • Vinnur úr erfiðum samskiptamálum meðal nemenda
  • Er tengiliður við Vinnuskóla Hafnarfjarðar varðandi Innherja
  • Sinnir fyrirbyggjandi starfi, t.d. vörnum gegn vímuefnum, einelti og ofbeldi
  • Stýrir eineltisteymi skólans
  • Er tengiliður vegna kynninga á framhaldsskólanámi og starfsvali að loknum grunnskóla
  • Situr í Brúarteymi skólans
  • Önnur verkefni sem yfirmaður felur starfsmanni

Menntunar og hæfniskröfur:

  • Menntun náms- og starfsráðgjafa og starfsréttindi sem slíkur
  • Reynsla af námsráðgjöf og starfi með börnum og unglingum æskileg
  • Mjög góð samskipta- og samstarfshæfni
  • Frumkvæði, sjálfstæði, skipulagshæfileikar
  • Nákvæmni í vinnubrögðum
  • Hæfni í að leysa ágreining og ólík sjónarmið
  • Geta til að aðlagast breyttum aðstæðum
  • Góð ritfærni og góð íslenskukunnátta
  • Góð tölvukunnátta

Nánari upplýsingar um starfið veitir Dögg Gunnarsdóttir skólastjóri, dogg@laekjarskoli.is, sími 5550585 eða Arna Björný Arnardóttir, arna@laekjarskoli.is.

Umsóknarfrestur er til og með 8. desember 2021.

Laun eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélag.

 

Deila starfi
 
  • Ráðhús Hafnarfjarðar, Strandgötu 6
  • 220 Hafnarfjörður
  • Þjónustuver 585 5500
  • Hafðu samband
  • Kennitala 590169-7579